!tenpo ni la, mi pali e lipu ni!
ken la, mute li pakala
kama pona a!
toki! mi jan Wali (in English, I'm Valley). mi jan pi ma Kanata, li kepeken e linluwi. o lukin e lipu linluwi mi. o lukin e pali mi. sitelen tawa en musi en toki en lukin sona en jan soweli en sona mute en olin mi en ijo mute li pona tawa mi. o sona e ni: pali lipu mi li pona ala, lipu ni li ken pakala.
mi musi mute. sina wile sona e musi mi la, o lukin e lipu musi pona. lipu ni la, musi ni li pona mute tawa mi. mi wile musi ante, taso tenpo pona li lon ala tawa mi. mi wile kama sona e ni: jan li musi lon tenpo suli tan seme? ona li moku e telo wawa mute mute anu seme? n, nasin ali ale la, mi pana e musi mi tawa sina. tenpo ni la, musi VRChat en musi Minecraft en musi BeamNG.Drive en musi Half-Life en musi DiRT Rally en musi Cluster Truck en musi Virtual Circuitboard en musi Micro Dash li pona tawa mi.
mi lawa e ilo sona la, ni li pona tawa mi. tenpo suli la, mi pali kepeken toki Visual Basic. tomo pali mi la, mi pali kepeken toki lawa ni (ni li tan ilo Microsoft Excel). mi sona e toki ante. ni li toki Batch, li toki Python, li toki JavaScript, li Arduino C, li ante, taso mi kepeken nasin ni tenpo lili. jasima la, mi musi kepeken toki nasa, ni li toki Brainf*ck en toki mute pi mi taso. toki mi nanpa wan li toki Watnoxt. mi pali e ilo lili, e musi lili taso.
sina wile sona e mi kepeken nasin ante la, o lukin e sitelen ni. mi wile la, mi pana e sitelen sin tawa lipu ni. sitelen li ken tan nasin ale.
